Äfganstanda uzğan ayda tınıç xalıqtan 1000 nän kübräk keşe ülgän yäki yaralanğan
Bu xaqta BMOnıň gumanitar êşlärdän cawaplı ğomum särqätip urınbasarı häm aşığıç yärdäm koordinatorı Martin Griffits belderä
Uzğan ayda Äfganstanda tınıç xalıqtan 1000 nän kübräk keşe ülgän yäki yaralanğan.
Bu xaqta Berläşkän Millätlär Oyışmasınıň gumanitar êşlärdän cawaplı ğomum särqätip urınbasarı häm aşığıç yärdäm koordinatorı Martin Griffits belderä.
Anıň äytüençä, äfgan balalar, xatın - qızlar häm ir -atlar kön sayın köç qullanu, qırıslıq şartlarında qurqıp yäşärgä mäcbür.
Griffits: ”Xatın - qızlarnıň tormışların däwam itterä aluları häm töp keşe xoquqları mäs’äläsendä citdi borçulılar bar”,- dide.
Griffits äytüençä, klimat üzgäreşe belän bäyle şoklar, Kovid -19 êpidemiyäse , Äfganstanda 40 yıl däwam itkän suğış arqasında il xalqınıň yartısı diyärlek aşığıç yärdämgä moxtac.
Ul Äfganstandağı xälneň naçarlanuı öçen borçıluın assızıqladı.
Martin Griffits Äfganstandağı suğışuçı yaqlarnı xalıqara keşe xoquqlarına xörmät kürsätergä çaqırdı,tınıç xalıqnı yaqlarğa häm yärdäm êşçänleklärenä qomaçawlamasqa öndäde.