Awrupa Berlegendä xalıqnıñ 60%ı vakśinalaştırıldı
“Xäzerge waqıtta Awrupada xalıqnıñ 60%tan artığı kimendä berençe dozasın aldı, 41%ı tulısınça vakśinalaştırıldı,”-dide Ursula fon der Leyen
Awrupa Berlege komissiyäse başlığı Ursula fon der Leyen berlek däwlätläreneñ baliğ’ bulğan xalqınıñ 60%tan artığınıñ koronavirusqa qarşı täwge dozasın qadatuın belderde. Ul videoêlemtä aşa uzğan Brüssel’ iq’tisadi forumında çığış yasadı.
“Xäzerge waqıtta Awrupada xalıqnıñ 60%tan artığı kimendä berençe dozasın aldı, 41%ı tulısınça vakśinalaştırıldı,”-dide Ursula fon der Leyen.
Awrupa Berlege komissiyäse başlığı, vakśinalaştırunıñ tizlänüenä qaramastan, yanawnıñ betmäwen, monıñ öçen dön’ya külämendä immunitet barlıqqa kilergä tiyeşlegen belderde. “Kürşelärebez häm dön’yanıñ qalğan öleşenä dä yärdäm itärgä kiräk,”-dide ul.
Fon der Leyen Awrupa Berlegeneñ pandemiyä kitergän iq’tisadi qıyınlıqlarğa qarşı 800 milliard yevro külämendä qotqaru programması xäzerläwen iskärtep, bu qısalarda komissiyäneñ täwge obligaśiyälär êksportın tormışqa aşıruın citkerde. Ul qotqaru programması belän äğ’za däwlätlärgä berençel finans yärdäm cibärergä äzer buluların äytte. “Awrupa Berlegendäge däwlätlärgä iyül’ ayınnan başlap finans cibärä başlıybız,”-dide fon der Leyen.
