Dürtençe dulqın xaqında kisätü
Ataqlı belgeç koronavirusnıñ yaña dulqını kilü mömkinlegen belderde
Germaniyäneñ koronavirusqa qarşı vakśina uylap tapqan “Biontex” şirkätenä nigez saluçı häm yuğarı idaräçese Uğur Şaxin dürtençe dulqın turında kisätä. Ğalim AQŞta basıluçı atnalıq ber fänni jurnalnıñ konferenśiyäsendä çığış yasadı häm Kovid-19 yoqtıru oçraqlarında artu bula aluın citkerde.
“Ägär iğ’tibarlı bulmasaq häm citärlek saqlıq kürsätmäsäk, qayber regionnarda dürtençe dulqın belän oçraşa alabız,”-dide ul.
Uğur Şaxin koronavirusnıñ Delta variantınnan saqlanırğa kiñäş itte. Ul Angliyädä xalıqnıñ yaqınça 50%ınıñ ikençe doza vakśina yasatuına qaramastan, älege törneñ haman taraluına basım yasadı.
Ğalim vakśinağa ışanuçılarnı da kisätte. Qadatıp 6 ay ütkännän soñ antitänçek däräcäse töşüen, qabat vakśinağa ixtiyac barlıqqa kilüen xäterlätte.
