Qurqınıç bakteriyalar sanı arta

Dön’yaküläm cılınu arqasında sulardağı qurqınıç ameba häm bakteriyalär sanı arta ala.

Amerikalı belgeçlär cılılığı artqan kül, yılğa kebek töçe sularda “mi aşawçı ameba” bularaq ta belenüçe Naegleria fowleri kebek keşelärgä zıyan kiterä alaçaq bakteriyalärneñ ürçi alaçağına işarät itte.

Kön’yaq Florida Universitetı belgeçe, professor, doktor Sandra Gompf it aşawçı bakteriya bularaq ta belenüçe tozlı su bakteriyase Vibrio vulnificus häm töçe sulardağı Naegleria fowleri kebek qurqınıç patogennarnıñ global’ cılınu näticäsendä cılınğan sularnıñ täêsire belän arta alaçağına belgeçlärneñ borçıla başlawın belderde.

Belgeçlär köçle su basularnıñ qurqınıç patogennar ürçegän kerle sularnı alıp kilä alaçağın äytä.

Kaliforniya Univeristetında tikşerenüçe professor Yun Şen da köçle qorılıq küzätelgän töbäklärdäge su rezervlarında ürçüçe patogennarnıñ şähär sularına quşılu ixtimalınıñ da yuğarı buluın açıqladı.

Soñğı 10 yıldağı oçraq sanınıñ uylanğannan kübräk buluın äytüçe belgeçlär global’ cılınu belän bu wazğıyät’neñ tağın da arta alaçağın citkerde.

Midä infekŝiyağa säbäpçe bulğan häm ğomümän ülemgä kiterüçe, mikro ülçämle häm ber küzänäkle Naegleria fowleri borın aşa keşe tänenä kerä.

Küpçelek kül, yılğa, kanal kebek töçe sulardağı ameba keşedän keşegä küçmi.

Tozlı sularda yäşäwçe Vibrio vulnificus bakteriyase isä êç kitü belän ber rättän qanda infekŝiya häm gangrena kebek problemalarğa kiterä ala.