Qoş grippınıñ H10N3 ştammı täwge tapqır keşedä oçradı

Qıtayda täwge tapqır keşegä qoş grippınıñ H10N3 ştammı diagnozı quyıldı. Bu xaqta ilneñ sälamätlek saqlaw komissiyäse belderde. Śzyansu töbägendä yäşäwçe 41 yäş’lek keşedä qoş grippınıñ älege ştammı raslanuı citkerelä. Ul yuğarı temperatura häm başqa simptomnar belän xastaxanägä salına. Virusnıñ niçek yoğuı turında äytelmi.

Qıtay sälamätlek saqlaw komissiyäse beldergänçä, yort qoşlarında oçrawçı H10N3 ştammı çağıştırmaça köçsezräk häm taralu däräcäse bik tübän. Moña qadär ul keşelärdä oçramağan. Qıtayda bik küp qoş grippı ştammı bar häm alar, kübräk, yort qoşların qarawçı keşelärdä oçrıy.