Franśiyä İzrailne kisätte

Franśiyä tışqı êşlär ministrı Jan-İv Le Drian İzrailne ğaräp xalqına qarşı aparteid (rasaçıl diskriminaśiya) rejimı qullanu mäs’äläsendä kisätte. Ul ber televizion tapşıruında İzrailneñ Lod şähärendäge waqıyğalarnı xäterlätte. Fälästin belän ike aradğı soñğı kiyerenkelektä cämğıyät’täge berençe bäreleş anda kilep çıqtı dip sanıy Le Drian. Lod şähärendä yäşäwçe qorallı ber yähüd cirläşüçe 1 fälästinlene atıp üterde, 2sen yaraladı. Qaladağı ğaräplär Qudüstä Äl-Aksa mäçetenä teläktäşlek demonstraśiyäläre oyıştırğan ide.

“Bu, kiläçäktä ike däwlätle çişeleş tışındağı başqa çişeleşlär qullanılsa, ozaq waqıt aparteid êlementları bulaçağın kürsätä,”-dide Franśiyä tışqı êşlär ministrı.

Le Drian Yaqın Könçığışta tınıçlıq prośessına qabat sulış örü kiräklegen, monı keçkenä adımnar belän başlaw häm yaqlar arasında ışanıç tudıru zarurlığın assızıqladı.