Yaralı fälästinlelärne Yordaniyada däwalıylar

Yordaniya patşası Abdullax 2nçe İzrailneñ Ğazzägä höcümnärendä yaralanğan fälästinlelärneñ däwalaw öçen üz ilendäge xastaxanälärgä kiterelüen teläde. Ul Ğazzädäge Yordaniyä xärbi qır xastaxanäse wäqalätlesenä telefonnan şaltıratqan häm anda kürsätelüçe xezmätlär xaqında mäğ’lümat alğan. Qayber yaralılarnıñ terelü öçen tağın da yaxşıraq şartlarğa ixtiyacı barlığı bilgele. Abdullax 2 andıylarnı Yordaniya xastaxanälärenä kiterü kürsätmäse birde.

İzrail üze qamap toruçı Ğazzägä 10nçı mayda höcümnär başladı. Xamas belän tözelgän tınıçlıq turında kileşü nigezendä 21nçe mayda cirle waqıt belän säğat’ 2dä bäreleş tuqtatıldı.

İzrail armiyäse höcümnärendä 248 fälästinle hälaq buldı, alarnıñ 66sı bala, 39ı xatın-qız. 1948 keşe yaralandı. 120 meñnän artıq keşe yort-cirsez qaldı.