İzrail höcümnärendä jurnalist ülgän, 221 şähit

İzrail xärbi oçqıçları Ğazzäneñ könbatışındağı Şäyex Rıdvan mäxälläsendä ber öyne öç raketa belän bombaladı.

Höcümdä “Qudüs awazı” isemle cirle radioda êşläwçe jurnalist Yusuf Äbu Xösäyen häläq bulğan. Äbu Xösäyenneñ üleme belän 10nçı maydan birle Ğazzä sızığına oyıştırılğan höcümnärdä şähit bulğan fälästinnärneñ sanı 63ese bala, 36sı xatın-qız buluı belän bergä 221gä citte. Ber meñ 500 keşe dä yaralanğan.

İzrailneñ Ğazzä sızığına oyıştırğan höcümdä “Anadolu” agentlığı teleoperatorı Möxämmäd Dahlan da yaralandı.

Şul uq waqıtta Fälästin qarşılıq kürsätü törkemnäre höcümnärgä qarşı Ğazzädän İzrail tarafına raketa ırğıtırğa däwam itä.

Kiyerenkelek başlağan könnän birle raketa atışları arqasında İzraildä 12 keşeneñ ğomere özelgän.

Şul arada İzrail köçläreneñ yaw astındağı Yordannıñ Könbatış üzänlegeneñ törle töbäklärendä Ğazzä sızığına teläktäşlek öçen oyıştırılğan uram cıyınnarına qatışuı waqıtında 4 fälästinle çın pulya belän atılıp häläq bulğan.

“Fälästin Qızılayı”nnan yasalğan yazma belderüdä İzrail xärbiläreneñ şuşı qatışuı näticäsendä 182se çın, 195e plastik pulya belän, 120se yığılıp töşü häm yanu, 6sı izelü räweşendä barlığı 503 fälästinleneñ yaralanuı äytelde.

Belderüdä 931 fälästinleneñ dä küz dımlandıruçı gaz arqasında sulış ala almaw qurqınıç kiçerüenä basım yasaldı.