Angliyä dä Äfğanstandağı xärbilären çığaraçaq
NATO illäre Äfğanstannan 1nçe maydan başlap çığu mäs’äläsendä berdäm fikerdä
Angliya tışqı êşlär ministrı Dominik Raab Äfğanstanda xezmät itüçe ingliz xärbiläreneñ älege ildän êtaplap çığuların yaqlawın belderde. Ul bu xaqta Twitterda yazdı. Raab däwläteneñ tağın da tınıç kiläçäkkä iyä totrıqlı Äfğanstanğa yärdäm itü öçen NATO häm äfğan xalqı yanında buluın citkerde.
Angliya saqlanu ministrı Ben Uolles ta Äfğanstan belän bäyle yazmaça belderü yasadı. “Çıqqan waqıtta Äfğanstanda xezmät itkän keşeläremneñ iminlege östenlegebez bulaçaq. Berlektäş däwlätlärgä höcümnärgä köçle cawap bireläçäge mäs’äläsendä fikerebez qatğıy,”-dide ul.
AQŞ ilbaşı Djo Bayden 1nçe mayda Äfğanstandağı xärbilären tulısınça çığara başlayaçaqların häm prośessnıñ 2021nçe yılnıñ 11nçe sentyabrennän alda tögällänäçägen belderde.
NATO ğomum särqatibe Yens Stoltenberg ittifaqnıñ saqlanu häm tışqı êşlär ministrları cıyılışınnan soñ yasağan belderüendä NATO illäreneñ Äfğanstannan 1nçe maydan başlap çığu mäs’äläsendä berdäm buluın äytte.
Bäyläneşle xäbärlär
Xalıq ışanıçlısı üle kileş tabılğan
Hindstanda yuğalğan Anvarul Azim Bangladeşta xakimiyättäge partiya xalıq ışanıçlısı ide
