Ğadäti gripp virusı koronavirustan saqlıy
Ul küzänäklärneñ “qapqaların yabıp” Kovid-19nı qısqa waqıtqa bulsa da kertmiçä tora
Ğadäti suıq tiyü kiterep çığaruçı rinovirus koronavirusqa köndäş bulıp çıqtı. Şotlandiyäneñ Glazgo universitetı ğalimnäre açıqlağança, ul küzänäklärneñ “qapqaların yabıp” Kovid-19nı qısqa waqıtqa bulsa da kertmiçä tora.
Gripp iñ êgoist viruslardan berse bularaq bilgele. Härwaqıt diyärlek berüze êş itärgä yarata, yäğ’ni ul yoqqanda başqa viruslarğa urın qalmıy.
Glazgo virusologiya üzäge belgeçläre tikşerenü öçen ber ük tördäge küzänäklärdän toruçı hawa yullarıbız öslegeneñ kopiyäsen qullana. Aña Kovid-19 häm rinovirus yoqtıralar. Açıqlanğança, ike virusqa küzänäklärgä ireşüne ber ük waqıtta birsäñ, rinovirus ciñep çığa häm koronavirusnı kertmi.
Belgeçlär monnan şundıy näticä çığardı: ğadäti salqın tiyü virusları çorında koronavirus bastırılıp toraçaq.
Moña oxşaş xäl 2009nçı yılda duñğız grippı çorında da küzätelgän. Rinovirus kizüe älege çirgä Awrupanıñ qayber töbäklärenä cäyelergä irek birmi.
Şunısın da onıtmasqa kiräk, rinovirus organizmnan çığuğa koronavirusqa işeklär açıla. Ul daimi immunitet barlıqqa kitermi.
Bäyläneşle xäbärlär
Ğazzädäge 330 meñ tonna çüp
Ğazzä sızığındağı çüp öyemnäreneñ hälakät däräcäsendä êkologiyä häm sälamätlekkä yanawı citkerelä