Franśiyädä 4 atna buyı uramğa çığu tıyılaçaq
İldä koronavirus oçraqları zur tizlek belän arta
Franśiyädä koronavirus oçraqları artu säbäple başqala Parijnı da kertep 16 töbäktä 20nçe marttan başlap 4 atna buyı karantin kerteläçäk. Köne buyı uramğa çığu çiklänä.
Franśiyä xökümäte räise Jan Kasteks Kovid-19 kizüe belä bäyle matbuğat cıyılışında çirneñ ildä zur tizlek belän tarala baruın belderde.
“Bu öçençe dulqın bik küp Awrupa şähärendä kürelä. Moña Angliyä variantı säbäpçe. Ul Kovid-19 belän awırtu oçraqlarınıñ 4tän 3en alıp tora. İngliz variantı tağın da tiz tarala häm potenśial bularaq tağın da citdi,”-dip söyläde Jan Kasteks.
16 töbäktä 20nçe marttan kerteläçäk çikläwlär waqıtında mäktäplär açıq bulaçaq. Xökümät räise barı töp ixtiyac toıvarları satuçı kibetlärneñ xezmät biräçägen, başqalarınıñ yabılaçağın citkerde.
Bäyläneşle xäbärlär
İke zuq qara tişekneñ berläşüe açıqlandı
Alarnıñ berse Qoyaştan 50 million tapqır zur, ikençese dä aña yaqın zurlıqta