Awrupa illäre ber-ber artlı AstraZenekadan baş tarta

Angliyä-Şveśiyä farmaśevtika häm biologiyä şirkäte AstraZeneka çığarğan koronavirus vakśinası Awrupada borçılu tudırdı. Bik küp däwlät anı qullanunı tuqtattı. Xäzer alarğa Latviya häm Şveśiyä dä östälde.

Preparatnıñ qannı quyılaştıru şikelle naçar yoğıntısı ixtimalı bar. Şul säbäple İrlandiyä, Daniyä, İslandiya, Rumıniya, İtaliya, Bolgariya häm Germaniya älege vakśinanı qadawnı tuqtattı.

Däwlätlärneñ AstraZeneka preparatı turındağı belderüläre häm xäbärlär dön’yadağı borçu däräcäsen arttırdı.

Bötendön’ya sälamätlek saqlaw oyışması mödire Tedros Adxanom Gebreyesus qayber illärneñ Oksford – AstraZeneka vakśinasın qullanunı tuqtatıp toruların belülären häm älege preparatnı tikşerüneñ däwam itüen äytte.