Diktatornıñ soñğı häykälen alıp attılar

İspaniyädä yaqınça 40 yıl diktatorlıq itkän Fransisko Frankonıñ soñğı häykälen dä alıp quydılar. İldä 2007nçe yılda çığarılğan Tarixi xatirä qanunı nigezendä qanlı qullı generalnıñ barlıq häykälläre häm urınnarğa birelgän isemnäre beterelergä tiyeş ide. Bı qısalarda soñğı adım İspaniyäneñ Afrikadağı avtonom cirlege Melillada yasaldı. Şähärdä Frankonıñ ülemennän soñ 3 yıl ütkäç – 1978nçe yılda quyılğan häykälne alıp attılar.

1920nçe yılda İspaniyä häm Marokko qabiläläre arasında Rif suğışı bula. Häykäl ul çorda ispannarnıñ komandirı bulğan Frankonıñ rolen simvollaştırğan.

İspaniyä xökümäte, qanunğa tayanıp, sentyabr’ ayında êlekkege diktatornıñ cäyge sarayın da mirasçılarınnan tartıp aldı.