NASAnıñ apparatı Marsqa töşep utırdı

Amerikanıñ ğaläm häm aviaśiyä agentlığı NASA "Perseverance" isemle tikşerenü apparatınıñ Mars öslegenä uñışlı räweştä töşep utıruın belderde. 1 tonna awırlığındağı korab yaqınça 7 aylıq yulçılıqtan soñ Qızıl planetanıñ  Jezero ktraterına barıp ireşte.

Töşep utıru barışın NASA turıdan-turı translyaśiyäläde. Yıraqlıq arqasında Mars öslegenä berençe qağılunıñ küreneşläre yaqınça 11 minuttan soñ êkrannarda kürende.

Apparat Floridadağı bazadan 2020nçe yılnıñ 30nçı iyünendä oçırtılğan ide. Ul 470 million çaqrım yul ütep aldan farazlanğan waqıtta Marsqa barıp citte.

NASA 1970nçe yıllarda Qızıl planetağa barıp ireşkän Viking apparatınnan soñ täwge tapqır turıdan-turı yäşäw bilgelären tabu forsatına iyä buldı.

“Perseverance”nıñ östenä 20 kamera häm mikrofonnar berketelgän. Anıñ Cirgä bik küp material cibärüe planlaştırıla. Apparatta kameralı ber keçkenä boralaq ta bar. Anı da oçırtırğa tırışaçaqlar.

AQŞ 9nçı tapqır uñışlı räweştä Marsqa ğaläm korabı cibärgän däwlät buldı. Anıñ ike apparatı äle haman Qızıl planeta orbitasında êşçänlek alıp bara.