Koronavirus êläktergän ananıñ söte yäşellände

Meksikada koronavirus êläktergän imezüçe xatın-qıznıñ söte açıq yäşel töskä kergän. Älege xäl Monterrey şähärendä yäşäwçe 23 yäş’lek Anna Kortez belän bula. Anıñ bäbäyenä dä Kovid-19 yoğa.

Kortez awırğanda söteneñ açıq yäşel töstä buluın häm ul ğadäti tösenä kire qaytqannan soñ 2 kön ütkäç koronavirus testınıñ negativ çığuın söyli.

Äni keşe belgeç tabib belän kiñäşläşä. Ul isä sötneñ, töse üzgärügä qaramastan, qurqınıçsız buluına ışandıra. Bu üzgäreşne organizm koronavirus belän suğışqanda bäbäyne saqlawçı tabiğıy antitänçeklär barlıqqa kitergän bulırğa mömkin.  

Älege xäl turında farazların belderüçe belgeçlär isä yäşel tösneñ xatın-qıznıñ tuqlanuı belän bäyle bula aluın alğa sörä. Ämma Anna Kortez aşawında bernindi üzgäreş bulmawın äyta. Östäwenä moña qadär yäşelleklär qullanuı berqayçan da söt tösen üzgärtmägän.

Bäbäyne küzätüçe tabib fikerençä, äni keşe yäisä bala awırğanda kükräk söte üzgärep antitänçeklär belän yaraqlaşa.