Hindstanda feyerverk fabrikasında şartlaw

Hindstannıñ kön’yağındağı Tamil Nadu töbägendä feyerverk fabrikasında şartlaw buldı. Şunnan soñ yanğın başlandı. Anda ülüçelärnen sanı 19ğa citte.

Waqıyğa Virudxunagar şähärendä kiçä buldı. Başta 11 keşeneñ hälaq buluı bilgele ide. Yanğınnan soñ tağın 8 keşeneñ üle gäwdäse tabılğannan soñ ğomere özelüçelär sanı 19ğa citte. Yaralanğan 30lap keşeneñ xastaxanädä yatuı belderelde.

Hindstan xökümäte räise Narendra Modi waqıyğanıñ bik ärnetüçe buluın belderde häm ğomere özelüçelärneñ yaqınnarına kompensaśiyä tülänäçägen äytte.