Greśiyädä studentlar uramğa "tügelde"

Greśiyäneñ başqalası Afinada universitet studentları xökümätneñ mäğarif sistemasında yasarğa planlaştırğan üzgäreşlärenä rizasızlıq kürsätte. Alar parlament qarşında cıyıldı häm poliśiyägä molotov kokteyl’läre attı. Tärtip saqçıları isä alarnı taratu öçen küz çığaruçı gaz häm tayaqlar qullandı.

Yaña mäğarif qanunı ölgese parlamentta qaralğan waqıtta kilep çıqqan bu waqıyğalarda 40tan artıq keşe saq astına alındı.

Xökümät räise Kiriakos Miśotakis idaräse universitetlarda kampus mäydannarında poliśiyä kontrole noqtası buldırırğa teli. İldäge oppoziśiyä partiyäse isä proyekt êtabındağı tözätmälärne “antidemokratik” dip bäyäli.