Könbatışta koronavirus: soñğı sannar

Koronavirustan ğomere özelüçelär sanı dön’yada 2 million 320 meñ 689ğa citte. Virusnı yoqtıruçılar isä 106 million 353 meñnän, sawığıuçılar 77 million 996 meñnän arttı.

AQŞta Kovid-19dan ülüçelär 473 meñ 528 buldı. Yoqtıruçı oçraqları 27 million 519dan arttı. AQŞ Yuğarı mäxkämäse Kaliforniya ştatı idaräseneñ koronavirus säbäple yabıq urınnarda ütkärelüçe kümäk ğıybadätlärne tıya almawı turında qarar çığardı.

Braziliyada koronavirus 231 meñ 69 keşene yaqtı dön’yadan alıp kitte. İldä yoqtıru oçraqları -9 million 497 meñgä citte.

Meksika kizüdä 165 meñ 786 watandaşın yuğalttı.Yoqtıru oçraqları 1 million 926 meñgä citte.  

Angliyädä koronavirustan ülüçelär sanı 112 meñ 92. Yoqtıruçılar – 3 million 929 meñ.

İtaliyada kizü arqasında ğomere özelüçelär sanı 91 meñnän arttı. Virusnı êläkterüçelär 2 million 625 meñgä citte.

Franśiyädä Kovid-19 säbäple 78 meñ 794 keşe ülde. İldä koronavirus yoqtıruçılarnıñ sanı isä 3 million 317 meñgä citte. Franśiyädä deportaśiyälänelergä tiyeşle qaçaqlardan 4se, koronavirus testı yasatudan baş tartu säbäple, 3 ayğa törmägä kerde.

İspaniyädä Kovid-19 arqasında 61 meñ 386 ülem terkälde. İldä yoqtıru oçraqları 2 million 971 meñgä citte.

Germaniyädä kizü säbäple 61 meñ 998 keşe ülde. Kovid-19 diagnozı quyıluçılar sanı 2 million 284 meñ.