Könbatışta koronavirus: mutantlar tarala

Dön’yada koronavirus arqasında ğomere özelüçelär sanı 2 million 294 meñ 550gä citte. Kovid-19nı yoqtıruçılar sanı 105 million 422 meñ, älege çirdän sawığuçılar isä 77 million 114 meñ buldı.

Amerika Quşma Ştatlarında kizü 466 meñ 988 keşeneñ ğomeren özde. Yoqtıru oçraqları – 27 million 273 meñ 890.

Angliyädä virustan soñğı 24 säğat’tä 915 keşe ülde, 20 meñ 634 yaña oçraq terkälde. İldä kizü başınnan birle koronavirustan ülüçelärneñ sanı 110 meñ 250gä citte. Tulayım awıruçılar – 3 million 892 meñ 459.

İtaliyada kizü säbäple soñğı 24 säğat’tä 422 keşeneñ ğomere özelü belän ülüçelär sanı 90 meñ 241gä citte. Yoqtıruçı keşe sanı isä 13 meñ 659ğa arttı häm 2 million 597 meñ 446 buldı.

Franśiyädä Kovid-19 soñğı 24 säğat’tä 357 keşene alıp kitte. Şulay itep, älege çirdän ülüçelär sanı 77 meñ 952 buldı. Ber köndä terkälgän 23 meñ 448 yaña awıru oçrağı belän çirne yoqtıruçılar sanı 3 million 274 meñ 608gä citte. İldä uzdırılğan ber soraştıruğa qarağanda, franśuzlarnıñ 71%ı xökümätneñ kizü belän bäyle tiyeşle waqıtta kiräkle qararlar çığarmawın uylıy.  

İspaniyada Kovid-19dan soñğı 24 säğat’tä 432 keşeneñ ğomere özelde häm kizüdä ülüçelär sanı 60 meñ 802 buldı. Şul uq waqıt êçendä 29 meñ 960 yaña oçraq açıqlandı häm yoqtıruçı keşe sanı 2 million 943 meñ 349ğa citte.  

Kolumbiyädä Kovid-19 arqasında 55 meñ 131 ülem terkälde. İldä 2 million 134 meñ 412 yoqtıru oçrağı xaqında bilgele. Kolumbiyä Qıtay farmaśevtika şirkäte Sinovak çığarğan KoronaVak vakśinasın aşığıç qullanuğa röxsät birde.

Peruda kizü 41 meñ 753 keşeneñ ğomeren özde. 1 million 165 meñ 52 keşegä koronavirus diagnozı quyıldı. Perunıñ 3 şähärendä Braziliyädä kürengän mutant Kovid-19 töreneñ oçrawın belderdelär.