Somalidä sarança arqasında ğadättän tış xäl
Somali Könçığış Afrika töbägen basıp alğan yaña çül sarançasınıñ Kön’yaq Somalidäge igençelärgä citdi zarar birüennän soñ ğadättän tış xäl iğ’lan itte
Somali däwlät televideniyeseneñ “Twitter” akkauntınnan yasalğan belderüdä: "Somali awıl xucalığı ministrlığı sarançanıñ basıp aluı arqasında ildä ğadättän tış xäl iğ’lan itelde”, - dip äytelde.
Qarar Awıl xucalığı ministrlığı wazıyfalılarınıñ vilayät awıl xucalığı ministrları häm BMO azıq-tölek häm awıl xucalığı oyışması räsmiläre belän küreşep söyläşüennän soñ qabul itelde.
Keniyada da şaqtıy töbäkneñ Efiopiyadan häm Sudannan kilgän çül sarançasınıñ basıp alınuına duçar buluı belderelgän ide.
Azıq-tölek iminlegenä zur qurqınıç tudıruçı sarança uzğan yılda töbäktä yöz meñnärçä gektar igen basuına zıyan kitergän ide.
Ber kvadrat çaqrım mäydanğa taralğan 40-80 million saranca barı tik ber köndä 35 meñ keşegä citäçäk aşamlıqnı aşap beterä ala.
Sarançalar här kön 150 çaqrım yul uza ala.
