Ukraina diñgezçeläre irektä
Zelenskiy piratlar tarafınnan urlanğan diñgezçelärneñ tizdän öylärenä qaytaçağın belderde
1574458
Ukraina däwlät başlığı Vladimir Zelenskiy Nigeriya sulıqlarında piratlar tarafınnan urlanğan 6 ukrain diñgezçeseneñ irekkä çığuın belderde. Ul bu xaqta İnstagram akkauntında yazdı. Zelenskiy diplomatlarğa häm diñgezçelärneñ qotıluına öleş kertkän härkemgä räxmäten citkerde. “Watandaşlarıbız isän-imin häm tizdän öygä qaytuların kötäbez,”-dip yazdı Ukraina däwlät başlığı.
“Stevia” isemle korab 1 ay yarım êlek, yäğ’ni 2020nçe yılnıñ 16nçı dekabrendä Nigeriya tiräsendä piratlar qulına töşkän ide. Anıñ 8 keşelek êkipajı isä urlandı. Alarnıñ 6sı –ukrainalı.
