Vakśina qadatırğa telisezme?
Bu sorawğa qaysı ildä niçek cawap birälär
Koronavirusqa qarşı vakśina qadatırğa teläwçelärneñ iñ kübe Angliyädä, iñ azı isä Franśiyädä. Tikşerenü şirkäte YouGov yasağan anketalaw näticäläre şunı kürsätte. Açıqlanğança, Kovid-19 vakśinası täq’dim itelgän oçraqta anı qadatırğa iñ äzer buluçılar Böyekbritan watandaşları häm daniyälelär. Franśuzlar häm polyaklarnıñ isä şöbhälänüläre bilgele buldı.
Angliydä soraştıruda qatnaşuçılarnıñ 73%ı vakśina qadataçaqların äytä, Daniyädä isä bu kürsätkeç – 70%.
AQŞta anketalawda qatnaşuçılarnıñ yartısınnan azrağı vakśina yasatu yaqlı häm iyül’ ayınnan birle bu san üzgärmägän.
Pol’şada soraştırıluçılarnıñ 37%ı, Franśiyädä 48%ı vakśina täq’dim itelgän oçraqta “yuq” diyäçägen beldergän.
Anketada qatnaşuçılar başta kötep torırğa häm vakśinalarnıñ ışanıçlı buluın kürgännän soñ ğına qarar birergä niyätli.