Awrupa Berlegendä vakśina bäxäsläre
Qayber illärdä wäzğıyät' cäncalğa äwerelde
Awrupa Berlege illärendä koronavirus vakśinalarınıñ äkren taratıluı bäxäslär uyattı. AB komissiyäse bu xaqta belderü yasap, vakśina programmasın tormışqa aşırudağı töp problemanıñ citeşterü küläme buluın citkerde. Böten berlek xalqınıñ vakśinalaştıruına citärlek 2 milliard doza öçen kileşü imzalanuı assızıqlandı.
Kampaniyä mäs’äläsendä Awrupada tänqıyt’länüçelärneñ berse Franśiyä ilbaşı Êmmanuêl’ Makron. İlneñ êlekkege sälamätlek saqlaw ministrı Xav’yer Bertrand êşneñ äkren baruı häm açıq bulmawın äytte. Xökümät vakśina üzäkläreneñ arttırılaçağın häm taratunıñ tizläteläçägen citkerde.
Vakśina êşçänlege liderlar arasındağı söyläşülärne dä tizlätte. Rusiyä däwlät başlığı Putin häm Germaniyä kanślerı Angela Merkel’ urtaq vakśina yasaw turında fiker alıştı.
Pol’şada isä östenlek birelüçelär isemlegendä bulmağan 18 keşeneñ çiratsız vakśina yasatuı cäncal kiterep çığardı, prokuratura tikşerü başladı.
Serbiyägä 19 meñ 500 doza Pfizer/BionTech vakśinası barıp citte. İldä Rusiyäneñ Sputnik vakśinasın da kadıy başlıylar. Östenlek mediśina xezmätkärlärenä bireläçäk.
