P’yer Karden wafat

Tanılğan moda dizaynerı P’yer Karden Franśiyädä wafat buldı. Anıñ ülüe turında ğailäse xäbär itte. Moda dön’yasınıñ mäşhür şäxese başqala Parijnıñ könbatışındağı ber xastaxanädä baqıylıqqa küçä. Ul 99nçı yäşe belän bara ide.

P’yer Karden çığışı belän ital’yan. Ul İtaliyäneñ San-B’yadjo-di-Kallal’ta şähärçegendä küp balalı ğailädä 1922nçe yılda dön’yağa kilä.1924nçe yılda ğailä Franśiyägä küçenä.  

P’yer Kardennıñ ostazı Kristian Dior bula. Ul 1947nçe yılda anıñ qul astında êşli başlıy, ä 1950nçe yılda inde üzeneñ Moda yortın aça.

Karden modanıñ xatın-qızlar öçen genä buluı turındağı qaraşnı cimerä häm täwge tapqır ir-atlar öçen kollekśiyä äzerli.