Könçığışta koronavirus

Bügenge köndӓ dön’ya külӓmendӓ Kovid -19dan ğomere özelgӓn keşe sanı 1 million 773 meňne, anı yoqtıruçılar sanı 81 million 207 meňne uzıp kitkӓn, 57 million 358 meňnӓn kübrӓk keşe sӓlamӓtlӓngӓn.

Qıtayda koronavirustan 4 meň 634 ülem oçrağı terkӓlgӓn, yoqtıruçılar sanı – 86 meň 955. Başqala Pekinda Kovid -19 yoqtıru oçraqları artqannan soň qayber şӓhӓrlӓrgӓ kerep çığular tuqtatılğan. Töbӓktӓ 92 laboratoriyӓdӓ 800 meň keşegӓ koronavirus testı yasalaçaq dip belderlӓr.

İzraildӓ Kovid -19 belӓn körӓş qısasında 2 atnalıq karantin başlanğan. Karantin qısalarında ikmӓk peşerü êşxanӓse, daruxanӓ , marketlardan tış barlıq êş urınnarı yabıq bulaçaq. İzrail sӓlamӓtlek saqlaw ministrı ildӓ soňğı atnada 280 meň keşegӓ koronavirus privivkası yasaluın beldergӓn.   

Hindıstanda xӓtӓr virus 147 meň 940 keşene yaqtı dönyadan alıp kitkӓn.

Qurqınıç virus Rusiyӓdӓ 55 meň 265 can alğan.

Qayber Könçığış illӓrendӓ  Kovid -19 dan ülem oçraqları tübӓndӓgeçӓ:

İran – 54 meň 814

Kön’yaq Afrika – 26 meň 735

İndoneziya – 21 meň 452

Ğıyraq – 12 meň 780

Soğud Ğarӓbstanı – 6 meň 185

Misır – 7 meň 405

Marokko – 7 meň 240.

Seyşel utrawlarında xӓzergӓ qadӓr koronavirustan ülem oçraqları terkӓlmӓgӓn.