Jurnalist cinayät'läre arttı

“Guardian” gazetı beldergänçä Jurnalistlarnı yaqlaw komitetı 2020däge jurnalist cinayät’läre urın alğan xisap açıqladı.

Xisapta Meksikanıñ 2020 yılda media xezmätkärläre öçen iñ qurqınıç il buluı, ber yılda 9 jurnalistnıñ cinayät’ qorbanı buluı belderelde.

Xisapta Meksikada soñğı 10 köndä 3 jurnalistnıñ atıp üterelüe häm ildä 2000 yıldan bügengä qadär üterelgän jurnalist sanınıñ 120gä citüe urın ala.

Xisapta şulay uq jurnalist cinayät’läreneñ barı tik suğış häm bäreleş bulğan illärdä genä kürelmäwenä dä işarät itelä.

Jurnalistlarnı yaqlaw komitetınıñ Meksika wäkile Yan-Al’bert Xutsen: “Meksika matbuğat irege mäs’äläsendä küp yaqlı krizis kiçerä. Soñğı berniçä yılda wazğıyät’ tağın da naçaraydı häm 2020 yıl Meksikadağı jurnalistlar öçen qurqınıç räweştä näticälände. Krizis cäzasız qaldıruğa bäyle,” – dide.

Xisapta Meksikadan soñ iñ küp jurnalist cinayäteneñ Äfğanstan häm Filippinnarda başqarıluı, jurnalist cinayät’läre belän bäyle däğwalardan 90%ınıñ näticäsez qaluı assızıqlandı.