Avokado aşaw êçäkleklärgä faydalı

Köndälek tuqlanunıñ ber öleşe bularaq avokado aşawnıñ êçäkleklärneñ sälamätlegenä uñay täêsir itüe açıqlandı. AQŞnıñ İllinoys universitetında uzdırılğan tikşerenüdä 25 yäş’tän alıp 45kä qadär bulğan çiktän tış yuan 163 keşe qatnaşa. Alarnı 2 törkemgä ayıralar. Berençe törkem irtänge, töşke yäisä kiçke aşnıñ qaysında bulsa ber avakado belän almaştıra. İke törkemnän dä 12 atnalıq êşçänlek buyınça qan, sidek häm tärät analizları alına, qatnaşuçılarnıñ rizıqlarınıñ niqadäresen häm närsälär aşawı terkälep barıla.

 Tikşerenüdä açıqlanğança, köndälek tuqlanularına avokado östälgän keşelärneñ êçäkleklärendä anıñ êşçänlegenä yärdäm itüçe metabolitlar yasawçı uñay mikroblar tağın da kübräk. Monnan tış, älege cimeşne här kön aşawçılar ikençe törkemdäge qatnaşuçılardan mikrobial’ törlelek belän ayırılıp tora.

İllinoys universitetı azıq-tölek fännäre häm keşe tuqlanuı kafedrası professorı Xanna Xolşer urtaça zurlıqtağı ber avokadoda yaqınça 12 gramm cepsel buluın, monıñ köndälek kiräkle 28-34 grammnıñ yartısına yaqını belän täêmin itüen assızıqladı.