Şiğır' krizisına İran tışqı êşlär ministrı noqta quydı

İrannıñ tışqı êşlär ministrı Möxämmät Cävad Zarif ilbaşı Räcäp Tayyip Ärdoğan belän iranlı yuğarı däräcäle wäqalätlelär arasındağı samimi mönäsäbätlärneñ ähämiyäten assızızqladı. Baqıda Törkiyä ilbaşı söylägän şiğır’ arqasında ike arada krizis başlanğan ide.

İrannıñ Änkaradağı ilçelegennän yasalğan belderüdä ike ilneñ tışqı êşlär ministrları Mäwlet Çavuşoğlu häm Möxämmät Cävad Zarif arasında kiçä uzğan telefon söyläşüennän soñ anlaşılmawçanlıqnıñ beterelüe äytelä. Anda yazılğança, yaqlar ike däwlät arasındağı mönäsäbätlärneñ köçäytelüe häm kiñäytelüenen ähämiyäten assızıqladı.  

İran tışqı êşlär ministrlığı ilbaşı Ärdoğannıñ Azärbaycan başqalası Baqıda söylägän şiğıre  säbäple Törkiyäneñ Tährandağı ilçese Därya Örsne çaqırıp kisken söyläşü ütkärgän ide. Älege şiğır’ne İrannıñ cir bötenlegenä yanaw bularaq qabul itüläre belderelde.

Şunnan soñ Törkiyä tışqı êşlär ministrlığı da İrannıñ Änkaradağı ilçese Möxämmät Ferazmendnı çaqırdı. Aña Törkiyä häm ilbaşı Ärdoğanğa qarşı däğ’walarnıñ, İranda Törkiyägä qarata näfrät kampaniyäse başlawnıñ nigezsez buluı belderelde.

Krizisqa noqtanı kiçä tışqı êşlär ministrları arasındağı söyläşü noqta quyıldı. Çavuşoğlu Zarifqa şiğır’dä İran tügel, Tawlı Qarabax turında süz baruın añlattı.