Könbatış illärendä koronavirus: sannar arta
Könbatışta Kovid-19 kizüe belän bäyle soñğı sannar
Dön’yada koronavirus arqasında ğomere özelüçelär sanı 1 million 256 meñ 360tan arttı. Virusnı yoqtıruçılar isä 50 million 263 meñ 960. Sawığuçılar – 35 million 550 meñ 155tän kübräk.
AQŞta koronavirus säbäple ğomere özelüçelär sanı 243 meñ 257gä citte. İldä älege çirne yoqtıruçılar 10 million 182 meñ 818 bularaq terkälde.
İtaliyada Kovid-19 kizüendä ğomere özelüçelär sanı soñğı täwlektä 425kä arttı häm 41 meñ 63kä citte. Köndälek ülüçe sanı älege ildä 3 kön rättän 400dän kübräk terkälde. İtaliyädä yoqtıruçılar 902 meñ 490 buldı.
Franśiyädä Kovid-19 säbäple ğomere özelüçelär sanı soñğı 24 säğat’tä 306ğa arttı häm 40 meñ 169ğa citte. İldä könlek häm tulayım yoqtıruçılar sanı belderelmi. Awıruçılar sanı tiz artu säbäple Franśiyädä uramğa çığuda çikläwlär kertelde.
Germaniyädä Kovid-19dan älegä qadär ülüçelärneñ sanı 11 meñ 435 buldı. İldä 658 meñ 481 keşe koronavirus êläkterde. Leypśig şähärendä kizüne kirtäläw öçen kertelgän çaralarğa rizasızlıq belderelde. Protest çaralarında bik küp keşe yaralandı. Şaqtıy keşene qulğa aldılar.
