Venada terrorçılıq höcüme

Avstriya başqalası Venada ber sinagoga yanında bulğan terrorçı höcümendä ike keşeneñ ğomere özelde. Êçke êşlär ministrlığı süzçese  Garal’d Sörös Anadolu agentlığına birgän interv’yusında kemlege bilgesez keşelär häm iminlek köçläre arasında çıqqan bäreleştä, ber grajdanlıdan tış, höcümçelärneñ berseneñ ülüen äytte.

Vena sälamätlek saqlaw oyışması süzçese Kristof Mierau isä 15 keşeneñ yaralanuın, 7seneñ xäleneñ ayıruça awır buluın belderde.

Avstriya êçke êşlär ministrı Karl Nexammer matbuğat cıyılışında ilneñ üz tarixındağı iñ awır könnärneñ bersen kiçerüen citkerde.

“Xäzerge waqıtta bez açıq terror höcüme astında. Qızğanıçqa, bik küp yaralı häm ülüçebez bar. Maxsus berleklärneñ köräşe näticäsendä ber höcümçe täêsirsez xälgä kiterelde. Sonğı mäğ’lümatlarğa qarağanda, ber höcümçe qaçıp kitte,”-dip söyli ministr. Ul watandaşlarnı bik kiräk bulmağanda öylärennän çıqmasqa, balalarnı mäktäpkä cibärmäskä çaqırdı. Höcüm bulğan turistik rayonnan yıraq torırğa kiñäş itte.

Avstriya xökümäte räise Sebast’yan Kurś sośial’ media xisabınnan yasağan belderüendä “Poliśiyäbez bu qotoçqıç terrorçı höcümen yasawçılarğa qarşı köräş alıp bara” dide. Ul xalıqara teläktäşlek citkerüçelärgä räxmäten belderde, yaqınnarın yuğaltuçılarnıñ qayğısın urtaqlaştı, yaralılarğa şifa teläde.  

Şul uq waqıtta, Avstriya yähüd cämğıyäte räise Oskar Doyç höcüm bulğan töbäktäge sinagoganıñ yabılğan buluın, höcümçelärneñ näq’ menä anı maqsat itep aluı älegä tögäl açıqlanmawın citkerde.