Niśśe şähärendäge höcümdä tağın ber şöbhäle bar

Franśiyäneñ Niśśe şähärendä kiçä bulğan terrorçılıq aktında şöbhälänep ber keşe saq astına alındı. Cirle matbuğatta çıqqan xäbärlärgä qarağanda, 47 yäş’lek älege keşeneñ höcümçe belän êlemtädä buluı uylanıla. Niśśe şähäreneñ Notr-Dam çirkäwendä 3 keşene ütergän höcümçe isä xastaxanädä. Anı qulğa alğanda yaraladılar.   

Franśiyäneñ terrorçılıq belän köräş prokurorı Jan-Fransua Riçard beldergänçä, höcümçe 21 yäş’lek tunislı, 20nçe sentyabr’dä ul İtaliyäneñ Lampedusa utrawına ayaq basa, 9nçı oktyabr’dä Franśiyägä    kilä.

Franśiyädä terrorçılıq belän köräş planı iñ yuğarı däräcägä citkerelde.