Putin: "Qarabax söyläşülärendä Törkiyä dä qatnaşırğa tiyeş"

Rusiyä däwlät başlığı Vladimir Putin Tawlı Qarabax mäs’äläsen çişü söyläşülärenä Törkiyäne dä qatnaştıru kiräklegen belderde. Ul Qarabaxta kiçekmästän utnı tuqtatırğa çaqırdı.

Putin äytüençä, Azärbaycan belän Ärmänstan bäreleşlären tuqtatu öçen bik küp däwlätneñ kiñäşlären küzdän kiçerü kiräk. Şularnıñ berse – Törkiyä.

Rusiyä liderı ozaq waqıtlı solıxnıñ barı Ärmänstan belän Azärbaycannıñ mänfäğat’läre balansı täêmin itelgän oçraqta ğına mömkin buluın assızıqladı.   

“Berençe êtapta xärbi ğamällär tuqtatılırğa tiyeş, ülemnärgä yul quymasqa häm söyläşülär östälenä utırırğa kiräk. Awrupa iminlek häm xezmättäşlek oyışmasınıñ Minsk törkemenä Törkiyäne häm başqa illärne dä kertep, räistäşlär Rusiyä, Franśiyä häm AQŞ tarafınnan xäzerlängän kiñäşlär nigezendä fiker berlege häm mänfäğat’lär balansın täêmin itü zarur. Monı êşli alabız,”-di Putin.