Ӓrmӓnstan kire çigenüen däwam itä
Azӓrbaycan saqlanu ministrlığı Ӓrmӓnstan armiyӓseneň toraq punktlarğa höcüm itüen belderde
Humanitar utnı tuqtatunı ütӓmӓgӓn Ӓrmӓnstan tönlӓ Azӓrbaycan cirlӓrenӓ höcüm itte.
Azӓrbaycan saqlanu ministrlığı Ӓrmӓnstan armiyӓseneň Azӓrbaycan front liniyӓsendӓ toraq punktlarğa höcüm itüen belderde.
Bӓreleşlӓr nigezdӓ Ağdara,Xocavend, Fözuli, Zӓngilan hӓm Güdӓlidӓ dӓwam itte.
Azӓrbaycan armiyӓse höcümnӓrne çigenderde. Ӓrmӓnstannıň höcüm omtılışları totqarlandı hӓm yuğaltuları bulğan Ӓrmӓnstan ğaskӓrlӓre kire çigende.
Ӓrmӓnstan köçlӓreneň küp sanda xӓrbi texnikası hӓm suğış kirӓk – yaraqları yuq itelde.
Yerevan citӓkçelege Azӓrbaycan cirlӓrenӓ cibӓrü öçen ğaskӓri cıyunı dӓwam itterӓ.
Ӓrmӓnstan armiyӓse 2 meň keşe cıyu boyırığı birsӓ dӓ bu boyırıqqa 300 keşe genӓ buysındı.
Şaqtıy xӓrbi podryadçik hӓm poliśiya frontqa barudan baş tarttı.
Azӓrbaycan baş prokuraturası 27 nçe sentyabr’dӓn 28 nçe oktyabr’gӓ qadӓr Ӓrmӓnstan höcümnӓrendӓge yuğaltularnı açıqladı.
Ӓlege dӓwerdӓ Ӓrmӓnstannıň Azӓrbaycannıň toraq punktlarına artilleriya hӓm raketalar belӓn oyıştırğan höcümendӓ tınıç xalıqtan 69 keşeneň ğomere özelde, 322 keşe yaralandı.
Höcümnӓrdӓ 2 meň 338 öy, 92 zur toraq yort, 415 cӓmӓğӓt’çelek binası qullana almaslıq xӓlgӓ kilde.
