Çilida qabat protestlar
Xökümätkä qarşı çaralarnıñ yıllığında protestçılar qabat uramnarda
Çilida uzğan yılnı başlanğan häm 5 ay däwam itkän xökümätkä qarşı çaralarnıñ yıllığında protestçılar qabat uramnarğa çıqtı.
Başqala Sant’yagodağı İtaliya mäydanında koronavirus kizüenä qaramastan meñnärçä keşe protest çarası oyıştıra.
Rizasızlıq belderüçelär ber yaqtan xökümätkä qarşı şiğar’lär äytä, ikençe yaqtan da xalıqnı 25 oktäbr’ könne diktator Augusto Pinoçet çorınnan qalğan Töp qanunnıñ üzgärtelüe öçen ütkäreläçäk referendumda qatnaşırğa çaqıra.
Ğomümän tınıç uzuçı çaralarda İtaliya mäydanı tirä-yağında qayber protestçılar belän poliŝiya arasında bäreleşlär küzätelä.
Çili poliŝiyase Twitterda urtaqlaşqan video yazmalarda mäydan yanındağı Karabineros çirkäwenä utnıñ törtelüe häm talanuı kürenä.
Poliŝiya waqğıya belän bäyle bularaq 5 keşeneñ qulğa alınuın citkerde.