Patşanıñ nikyaxsız qızı prinśessa buldı

Bel’giyä apellyaśiya mäxkämäse ilneñ êlekkege patşası Albert 2nçeneñ nikyaxsız tuğan qızı Del’fina Boêl'nıñ räsmi räweştä prinśessa bularaq qabul itelüe turında qarar çığardı.

Yıllar buyı barğan yuridik prośess tögällände. Del’fina Boêl’ ätiseneñ êlekkege patşa Al’bert 2nçe buluın dälillägän ide inde. Ul, mäxkämä qararı buyınça, monnan soñ patşa ğailäseneñ äğ’zası häm prinśessa bularaq tanılaçaq. Boêl’nıñ qızı belän ulı da Bel’giyä prinśessası häm prinśı isemen ala.

Boêl’nıñ patşa qızı buluın DNK testları ğıynvar ayında uq açıqladı. Al’bert 2nçegä dä 20 yıl inkyar itkän balasınıñ üzeneke buluın tanırğa turı kilde. 51 yäş’lek rässam häm sınçı Del’fina Boêl’ räsmi räweştä patşanıñ 4nçe – iñ keçe balası bularaq qabul itelde.

Ämma Del’fina Boêl’ monıñ belän genä çiklänmi. Ul patşanıñ başqa balaları belän ber ük möğamälä kürergä teläwen belderä häm prinśessa dip atalu maqsatı belän mäxkämägä möräcäğat’ itä.

Boêl’ monnan soñ Al’bert 2nçeneñ ulı – xäzerge Bel’giya patşası Filipp, prinśessa Astrid häm prinś Loran şikelle patşalıq titulı yörtäçäk.

Patşa Al’bert 2nçe 2013nçe yılda sälamätlegendäge problemalar arqasında täxettän kitte. Anıñ urının ulı Filipp aldı.