Höcümnärdä 10 keşe ülde

Ärmänstan armiyase Azärbaycan toraq punktlarına oyıştırğan höcümnärdä 10 keşeneñ ğomere özelde, 30 keşe yaralandı.

Azärbaycan tışqı êşlär ministrlığı häm başprokuraturasınıñ urtaq açıqlawında Ärmänstan armiyaseneñ 27-29 sentäbr’ könnärendä toraq punktlarğa awır qorallar belän höcüm itüe xäterlätelde.

Açıqlawğa kürä höcümnärdä 10 grajdan yaqtı dön’yadan kitte, 30 grajdan yaralandı, ğomere özelgän keşelärdän ikese - urta mäktäp uquçıları.

Azärbaycannıñ toraq punktlarına höcüm itkän Ärmänstan töbäktä wazıyfa başqaruçı jurnalistlarnı da maqsat itep ala.

Terter Kapanlı awılına kergän urında höcümnärne töşergän Azärbaycan İctimağıy televideniye törkeme Ärmänstan armiyaseneñ höcümenä duçar qaldı.

Başta törkemneñ maşinası yanına minomyet snaryadı ırğıtıldı. Berençe höcümnän soñ jurnalistlar töbäktän kitärgä cıyınğanda ikençe höcüm oyıştırıldı.

Höcümnärdä yaralanuçı bulmadı.