Tağın ber ğaräp däwläte İzraildä ilçelegen aça

Berläşkän Ğaräp ämirleklärennän yuğarı däräcäle wäqalätle zat ileneñ 3-5 ay êçendä İzraildä ilçelek açaçağın belderde. Bu xaqta ivrit telendä yazuçı “İsrael Hayom” gazetında xäbär çıqtı.

Anda äytelgänçä, tizdän izraillelär Berläşkän Ğaräp ämirleklärennän viza alu mömkinlegenä iyä bulaçaq. Monı ğaräp däwläteneñ tışqı êşlär ministrlığınıñ  älege dä bayağı iseme kürsätelmägän wäqalätle zatı süzlärenä tayanıp yazalar. Ul ilçelektän tış Xayfa häm Nasıra şähärlärendä konsullıq açu öçen êşçänlek baruın da citkergän.  

Berläşkän Ğaräm ämirlekläre wäkile İzrail belän tınıçlıq kileşüen teläwlären, üzläre öçen älege ildäge fälästinlelärneñ ähämiyätle buluın häm alarnı solıxnıñ möhim komponentı bularaq kürülären citkergän. Şuña kürä İzraildä açılaçaq konsullıqnıñ fälästinlelärgä dä xezmät kürsätüen telilär.