Çigenmi torğan çir

Dön’yada yaña tör koronavirus säbäple ğomere özelüçelärneñ sanı 873 meñ 300gä yaqınlaştı. Yoqtıru oçraqları 26 million 475 meñ 570, sawığuçılar sanı isä 18 million 665 meñ 740.

191 meñ 58 ülem belän kizüneñ märkäze xälendäge Amerika Quşma Ştatlarında virusnı yoqtıruçılar 6 million 335 meñ 244 bularaq terkälde.

Braziliyädä Kovid-19 säbäple tağın 834 keşeneñ ğomere özelgännän soñ ildä älege virustan ülüçelär sanı 124 meñ 729ğa citte. Yoqtıru oçraqları isä 43 meñ 773kä artıp 4 million 46 meñ 150 buldı.

Meksikada soñğı täwlektä Kovid-19 belän bäyle ülemnär 513kä arttı häm 66 meñ 329ğa citte. İldäge yoqtıru oçraqları 5 meñ 937gä kübäyep 616 meñ 894 buldı.

41 meñ 527 ülem belän kizüneñ Awrupadağı üzäge bulğan Angliyädä soñğı 24 säğat’tä 1735 yaña oçraq açıqlandı. Şulay itep, koronavirus yoqtıruçılar sanı 340 meñ 411gä citte.

İtaliyädä soñğı 24 säğat’tä koronavirus 10 keşeneñ ğomeren aldı. Şulay itep, ülüçelär sanı 35 meñ 507gä citte. 1397 yaña yoqtıru oçrağı östälgäç, koronaviruslılar sanı 272 meñ 912 buldı. Xökümät bilgele çaralar kürep mäktäplärne 14nçe sentyabr’dä açaçağın belderä. Uqıtuçılar, uquçılar häm hönäri berleklär qayber uqu yortlarındağı xilaflıqlar häm bilgesezleklärgä rizasızlıq belderep 26nçı sentyabr’dä miting uzdırırğa qarar qıldı.  

Franśiyädä kizü säbäple soñğı täwlektä 20 keşeneñ ğomere özelde. Şulay itep, ülüçelär sanı 30 meñ 706ğa citte. Yoqtıru oçraqları isä 7 meñ 157gä arttı häm 300 meñ 181 buldı. İldä Kovid-19 testlarınıñ pozitiv çığu däräcäse 4,4%qa arttı.

İspaniyädä Kovid-19dan soñğı 1 atnada 191 keşeneñ ğomere özelde häm ülüçelär sanı 29 meñ 234 buldı. Sälamätlek saqlaw ministrlığı soñğı 24 säğat’tä 8 meñ 959 yaña yoqtıru oçrağı terkälüen häm koronaviruslılar sanınıñ 488 meñ 513kä citüen belderde.

Portugaliyädä sälamätlek saqlaw ministrlığı Kovid-19 säbäple soñğı 24 säğat’tä 2 keşeneñ ğomere özelüen häm 418 yaña oçraq terkälüen citkerde. İldä koronavirustan ülüçelär sanı 1829ğa, yoqtıruçılar isä 59 meñ 51gä citte.