Bal qortı ağuı - kükräk yaman şeşenä qarşı
Ağunıñ töp komponentı melitin agressiv küzänäklärne ber säğat' êçendä üterä
Bal qortı ağuınıñ laboratoriyä şartlarında höcümçel kükräk yaman şeşe küzänäklären yuq itüe açıqlandı. Avstraliyä Garri Perkins mediśina tikşerenüläre institutı uzdırğan täcribäneñ näticäläre şunı kürsätte.
Tikşerenü qısalarında 300dän artıq bal qortı häm şöpşä ağuı qaraldı. Bal qortınıñ töp komponentı melitin bulğan ağuınıñ ber konśentraśiyäse laboratoriyädä agressiv yaman şeş küzänäklären ber säğat’ êçendä üterä. Şul uq waqıtta başqa küzänäklärgä bik az zarar birä. Ğalimnär doza kübäytelgändä toksiklıqnıñ artuına iğ’tibarnı cälep itte.
Belgeçlär melitinnıñ sintetik räweştä dä çığarıla aluın häm berüze genä dä yaman şeş küzänägeneñ artuına kirtä buluın belderä.
Açışnı dulqınlandırğıç dip bäyälilär. Ğalimnär älege mäs’älä belän bäyle tağın da kübräk êşçänlek alıp barılu kiräklegen söyli.
