Greśiyä qorallı köçlären quätländerä başladı
Monıñ öçen 10 milliard yevro bülärgä uylıylar
Greśiyä xökümäte qorallı köçlären quätländerü maqsatınnan 10 milliard yevro çığım yasarğa planlaştıra. İsemnären belderergä telämäwçe grek wäqalätleläre matbuğat çaralarına citkergänçä, Franśiyä häm başqa däwlätlärdän qoral satıp alu öçen söyläşülär däwam itä, bu mäs’älädäge fiker alışularnıñ 10nçı sentyabr’dä Korsika utrawında uzaçaq Awrupa Berlege äğ’zası Urta diñgez däwlätläre cıyılışına qadär tögällänüe maqsat itep quyıla.
Däwlät ministrı Yorgos Gerapetrit ber televideniye programmasında xökümätneñ qorallı köçlär häm xärbi industriyäne nığıtu qısalarında bik küp il belän êlemtädä buluın äytte. Ul Franśiyädän Rafale oçqıçların alu öçen älegä kileşü tözelmäwen, ämma bu mäs’älädä söyläşülärneñ däwam itüen belderde. Anıñ äytüençä, maqsat – Greśiyä qorallı köçlären modernizaśiyäläw.
Gerapetritis Greśiyäneñ äybät kürşe bulu yaqlı ikänen häm Törkiyä belän êlemtä kanallarınıñ açıq qaluı kiräklege poziśiyäsen dä äytep uzdı.
Greśiyä finans ministrı Xristos Staikuras ta saqlanu çığımnarı belän bäyle belderüendä qorallı köçlärne quätländerü öçen tağın da kübräk aqça tügärgä äzer buluların äytkän ide.
