Yaña Zelandiyada mäxkämädä şähit tuğannarı

Yaña Zelandiyanıñ Kraystçörç şähärendäge 2 mäçetkä oyıştırğan, 51 keşe şähit bulğan häm 49 keşe yaralanğan höcümnärdän yaralanıp isän qalğan töreklärdän Mustafa Boztaş terrorçı Brenton Tarrant belän qara-qarşı kilde.

Mäxkämä utırışınıñ öçençe könendä qatnaşqan Boztaş terrorçığa: "Sin yalğız bulıp uzğanlıqtan tış başqa berqayda da yäşi almassın”, - dip äytte.

Boztaş terrorçınıñ sulış aluına qaramastan üle buluın äytep: "Sin barı tik yalğız, qurqaq häm axırğa xätle mixnät çigäçäk ähämiyätsez ber qatil sin”, - dip süzlären citkerde.

Terrorçınıñ normal’ keşelärdän ayırmalı bularaq uzğanlığın onıta almayaçağın assızıqlawçı Boztaş: "Monıñ ike säbäbe bar. Berençe säbäbe, sineñ hiçber kiläçägen yuq. İkençe säbäbe isä, sin keşe tügel, xätta xayvan da tügel, çönki xayvannar dönyağa faydalı can iyäläre. Sine iskä töşeräçäklär, läkin barı tik qurqaq ber qatil bularaq qına”, - dip äytte.

Boztaş terrorçı Tarrantqa: "Sin tän tösennän tış här keşeneñ ber buluın añlıy almaslıq aqılsız”, - dip möräcäğät itte.

Terror höcümendä ätisen yuğaltqan Sara Kasım da, terrorçığa möräcäğät itep: “Bu mäxkämä zalına yaxşılap qara häm biredäge başqa beräwneñ kem buluın üzeñnän sora. Ul bezme, yuğisä sinme? Cawabı bik açıq, dip uylıym”, - dide.

Höcümdä ätise Hacı Möxämmäd Davud Nabine yuğaltqan Ahad Nabi: “Sin barı tik tormışıñnıñ 10 minutlıq öleşendä büre kiyemendäge mesken sarıq. Min isä köçle häm sin mine tağın da köçle qıldıñ”, - dip äytte.

14 yäşendäge ulı Säyidne höcümdä yuğaltqan John Milne isä: "Ülgänneñ artında qaluçılar betmäyäçäk travmanı tüzärgä mäcbür häm bu täcribäne yäşämäwçelär nindi mäğ’nägä turı kilüen berniçek tä belä almıylar”, - dip äytte.

Şähit Abdulfättah Qasımnıñ qızı Sara Qasım, terrorçığa möräcäğät’ itep: "Ul üze sayladı. Aqılsızça, cawapsız, räximsez, êgoist, cirängeç, yäm’sez häm şaytança ber saylaw”, - dip belderde.

Aqtänle ıruğnıñ östenlegen yaqlawçı çiktän tış uñçı terrorçınıñ 4 könlek mäxkämä utırışınnan soñ ğomer buyı törmägä xökem itelüe kötelä.

Tarrant Kraystçörç şähärendäge Nur häm Linwood mäçetlärenä 2019nçı yılnıñ 15nçe mart könne comğa namazı waqıtında avtomatlar belän terror höcümen yasağan ide.

Yaña Zelandiyada häm böten dönyada reakśiya belän qarşılanğan höcümdä berse törek cämğise 51 keşeneñ ğomere özelgän, 2se törek barlığı 49 keşe isä yaralanğan ide.