Greśiyä provokaśiyäsenä tağın ber yärdämçe östälde

Könçığış Urta diñgezdä Greśiyä provokaśiyäsenä soñğı yärdäm Berläşkän Garäp ämirleklärennän kilde. Alar grek armiyäse belän urtaq öyränülär öçen 4 xärbi F-16 oçqıçı cibärde.  Bu xaqta Greśiyäneñ Kathimerini mäğ’lümat çarası citkerde.

Xäbärdä äytelgänçä, Greśiyä saqlanu ministrı Konstantinos Floros uzğan atnada pänceşämbe könne Berläşkän Ğaräp ämirleklärendäge xezmättäşe Xamad Möxämmät Tani Al Rumaitxi belän söyläşkän. Monnan tış, Greśiyä ğomumştab başlığınıñ Misır belän dä êlemtägä kerüe belderelä. Alar öç däwlätneñ Könçığış Urta diñgezdä künegülär ütkärüe mäs’äläsendä kileşkän.

Gazetta Berläşkän Ğaräp ämirlekläre xärbi oçqıçlarınıñ Kritqa kilüeneñ Törkiyä häm Katarnıñ Liviyä xökümäte belän xärbi kileşülär imzalawınnan soñ 2 kön ütügä buluına iğ’tibarnı cälep itälär.