Belarus'ta uram cıyınnarı häm yaña xökümät

Başqala Minskta oppoziśiya tarafdarları däwlätkä bäyle qayber êşxanälärneñ aldında êşçelärneñ êş taşlaw akśiyasına teläktäşlek öçen cıyıldı. 

Kiçke säğätlärdä Êçke êşlär ministrlığı aldında cıyılıp iminlek köçlärenä rizasızlıq cıyının oyıştırğan oppoziśiya soñınnan xökümät binası aldındağı Bäysezlek mäydanında protest çarasın däwam itterde.

Pol’şa çige buyında urnaşqan Grodno häm Brest şähärlärendä dä 1995nçe yıldan äwwäl qullanılğan aq-qızıl-aq tösle bayraqlar belän Lukaşenkoğa qarşı kiñ qatnaşulı uram cıyınnarı oyıştırıldı.

Ayıruça oppoziśiya oyıştırğan koordinaśiya şurası xakimiyätne aşığıç räweştä söyläşülär östälenä çaqırdı.

Belarus İlbaşı Aleksandr Lukaşenkonıñ tarafdarları da Minsk belän bergä Gomel, Mogilyov, Borisov, Bobruysk häm qayber şähärlärdä mitinglar ütkärde.

Başqalada êşxanälär töbägendä cıyılğan Lukaşenko tarafdarları belän protestçılar waqıt waqıt qara-qarşı kilde.

Belarus sälamätlek saqlaw ministrlığı uzğan atnada Brest şähärendä rizasızlıq çaraları waqıtında yaralanğan ber keşeneñ ülüen belderde. Bu räweşle protestlar waqıtında häläq’ buluçılarnıñ sanı 4kä citte.

İlbaşı Lukaşenkonıñ iminlek şurası äğ’zaläre häm töbäk citäkçeläre belän ütkärgän cıyılışta isä saylawdan soñ başlanğan rizasızlıq cıyınnarı söyläşelde.

Belarus küzläw oyışması Däwlät iminlek komitetınnan uram cıyınnarın oyıştıruçılarnıñ bilgelänelüen häm bastırıluın teläwçe Lukaşenko bu keşelärneñ finans çığanaqlarınıñ açıqlanıluı mäs’äläsendä êşçänlek alıp barılaçağın belderde.

Şul uq waqıtta Lukaşenko yaña xökümätne bilgeläde. Artıq küp üzgäreş bulmağan yaña kabinetta Baş ministr Roman Golovçenko, Tışqı êşlär ministrı Vladimir Makey, Êçke êşlär ministrı Yuriy Karayev häm Saqlanu ministrı Viktor Hrenin wazıyfalarında qaldı.

Belarusta 9nçı avgustta ütkärelgän İlbaşı saylawında xäzerge däwlät başlığı Aleksandr Lukaşenkonıñ ciñüennän soñ ildä rizasızlıq çaraları başlağan ide. Oppoziśiya saylawda xärämläşü buluın raslap, saylaw näticälären tanımağan ide.