“Belarus'ta saylaw irekle häm ğadel bulmadı” / “Бeлaрусьтa сaйлау ирeклe һәм гaдeл булмaды”
Awrupa Berlege tışqı mönäsäbätlär häm iminlek säyäsäte yuğarı wäkile Josep Borrell Belarus'ta ütkärelgän ilbaşı saylawınıñ “irekle häm ğadel bulmawın” belderde
Josep Borrell 9nçı avgustta Belarus'ta ütkärelgän ilbaşı saylawınnan soñğı rizasızlıq cıyınnarı waqıtında iminlek wazıyfalılarınıñ qırıslıq qullanuınnan häm saylaw näticäläre belän uynawdan cawaplı buluçılarğa qarata çaralar kürä alaçaqların häm bu il belän mönäsäbätlärne küzdän kiçeräçäklären belderde.
Borrell Awrupa Berlege isemennän Belarustağı wazğiyät belän bäyle bularaq yasağan belderüendä ildäge wazğiyätne yaqınnan küzätülären, saylaw kampaniyalarında xalıqnıñ demokratik üzgäreşlär telägen kürsätüen äytte.
"Läkin saylaw irekle häm ğadel tügel ide”, - dip fiker belderüçe Borrell däwlät räsmiläreneñ çamasız köç qullanıluına röxsät birüen, ber keşeneñ ülüen häm meñnärçä keşeneñ qulğa alınuın assızıqladı.
Borrell, qulğa alınuçılarnı xäzer ük häm şartsız irekkä cibärergä çaqırıp: "Cirle küzätüçelärneñ ışanıçlı xisapları saylaw barışınıñ OSCE Awrupa iminlek häm xezmättäşlek oyışmasına kergän ildän kötelgän standartlarnıñ ütälmäwen kürsätä”, - dip basım yasadı.
Säyäsi totqınnarnıñ 2015nçe yılda azat itelüennän birle Awrupa Berlege belän Belarus mönäsäbätläreneñ üseş aluın xäterlätüçe Borrell keşe xoquqları häm xoquqnıñ östenlege nigezläre ütälmägän oçraqta mönäsäbätlärneñ qabat naçarayacağın belderde.
Belarusta yäkşämbe könne ütkärelgän däwlät başlığı saylawın xäzerge İlbaşı Aleksandr Lukaşenkonıñ tawışlarnıñ 80,23%ın alıp ciñüe, namzätlärdän Svetlana Tixanovskayanıñ isä 9,9% külämendä tawış cıyuı açıqlanğan ide.
Şunnan soñ küp sanda keşe saylawda xärämläşü yasaluı säbäbe belän qayber şähärlärdäge mäydannarda rizasızlıq cıyınnarın oyıştırğan, iminlek köçläre belän protestçılar arasındağı bäreleşlärdä ber keşeneñ häläq’ buluı, küp sanda keşeneñ yaralanuı häm 2 meñnän kübräk keşeneñ qulğa alınuı belderelgän ide.
Saylaw näticäläreneñ manipulyaśiyälänelüen häm ilbaşı saylawın üzeneñ ciñüen yaqlawçı namzät Svetlana Tixanovskaya isä, videoyazma belän urtaqlaşıp, üz teläge belän ildän kitüen häm Litvağa kitüen iğ’lan itkän ide.
