AQŞta köçle ğarasat

Amerika Quşma Ştatlarında küzätelgän Isaias ğarasatı tropikal’ dawılğa äylände.

Ğarasat kiterep çığarğan öyermädä 2 keşeneñ ğomere özelde, 20 keşe yaralandı.

Tön’yaq Karolina ştatına kiçä tönlä kilep citkän ğarasat tizlege säğatenä 60 çaqrımğa töşkännän soñ tropikal’ dawıl kategoriyasenä kertelde.

Isaias ğarasatı öyermägä säbäpçe buldı, Tön’yaq Karolinadağı ber qärwandağı 2 keşe yaqtı dön’yadan kitte, şul uq töbäktäge 20 keşe dä yaralanıp, xastaxanägä salındı.

Ğarasat Tön’yaq Karolina belän ber rättän Virdjiniya, Mêrilend häm Delaweyr ştatlarında da öyermä kiterep çığardı.

Köçle dawılda tön’yaq könçığış ştatlarındağı 2 million 700 meñ keşeneñ utı bette.