Könçığışta koronavirus çigenmi
Könçığış illärendä koronavirus belän bäyle soñğı sannar
Dön’yada koronavirus arqasında ülüçelärneñ sanı 689 meñgä yaqınlaştı. Yoqtıru oçraqları 17 million 868 meñnän, sawığuçılar isä 11 million 299 meñnän arttı.
Dön’yada iñ küp awıru oçraqları bulğan öçençe il Hindstanda Kovid-19dan ülüçelärneñ sanı 37 meñ 415kä citte. Yoqtıruçılar - 1 million 754.
Rusiyädä ülüçelär sanı 14 meñ 58, awıruçılar - 845 meñ 443.
Ğıyraqta Kovid-19 säbäple soñğı 24 säğat’tä 64 keşe ülde, 2 meñ 94 yaña oçraq açıqlandı. İl külämendä ğomere özelüçelär sanı 4 meñ 805kä, yoqtıruçılar sanı 126 meñ 704kä citte. Ğıyraq körd regional’ idaräse Kovid-19 säbäple 5 ay yabıq bulğan Ärbil häm Söläymaniya aêroportlarındağı barlıq oçqıç säfärlären, sälamätlek saqlaw çaraların kürep, qabat açtı.
Kizüdä 16 meñ 982 keşesen yuğaltqan İranda 1999nçı yılda töşergän “Utnıñ kilene” kartinası belän tanılğan rejissyer Xüsrev Sinai 79 yäşendä koronavirustan däwalanğan xastaxanädä küzlären mäñgelekkä yomdı.
İzraildä vieus säbäple ülemnär 512, yoqtıru oçraqları 70 meñ 970 buldı. İldäge Qudüs êşläre ministrı Rafi Perez Kovid-19 êläkterüen belderde.
Afrika qıytğasında ülüçelär sanı 20 meñ 12gä, yoqtıruçılar- 947 meñ 104kä citte. Koronavirustan iñ küp yuğaltu - Kön’yaq Afrikada. Anda 8 meñ 153 keşeneñ ğomere özelde. Misırda bu kürsätkeç - 4 meñ 834, Aljirda - 1223, Nigeriyada - 883 häm Sudanda 752.
