AQŞta protestlar tınmıy

Amerika Quşma Ştatlarınıñ Oakland şähärendä rasaçılıq häm poliŝiya qırıslığına qarşı däwam itüçe protest çaralarında mäxkämä binasına ut törtelde, ber poliŝiya üzäge cimerelde häm poliŝiya xezmätkärlärenä feyerverk ırğıtıldı.

Amerikan matbuğatında urın aluçı xäbärlärgä kürä Kaliforniyaneñ Oakland şähärendä rasaçılıq häm poliŝiya qırıslığına qarşı oyıştırılğan tınıç maqsatlı protestlar qırıslıq waqıyğalarına äylände.

Räsmi zatlar ber törkem provokatornıñ mäxkämä binası belän berniçä urınğa ut törtüen, ber poliŝiya üzägen cimerüen häm poliŝiya xezmätkärlärenä feyerverk ırğıtuın belderde. Çıqqan yanğın qısqa waqıtta sünderelde.

Siêtlda da protestçılar täräzälärne watıp, qayber urınnarğa ut törtte, Ostinda isä rizasızlıq belderü waqıtında ber keşe açılğan utta can birde.

Los Andjeles häm Minnesotada da protest çaraları tiz genä tınmadı.

İlbaşı Donal’d Tramp çaralar ike ay buyı däwam itkän Portlandka federal’ iminlek köçlären cibärgän ide.