Könçığışta koronavirus

Bar dön’yanı teträtkän koronavirus kizüennän 637 meñ 330dan artıq keşeneñ ğomere özelde. Awırular sanı 15 million 689 meñnän, sawığuçılar sanı isä 9 million 572 meñnän arttı.

Hindıstanda ülüçelär sanı 30 meñ 601gä kütärelde. İldäge aktiv awıru oçrağı 1 million 287 meñ 945kӓ citte.

Rusiyӓdӓ Kovid-19dan barlığı 13 meñ 46 keşe virustan ülde. Viruslılar sanı 800 meñ 849 buldı.

Ğıyraqta Kovid-19dtan bügengä qadär 4 meñ 122 keşe yaqtı dön’yadan kitte. Viruslılar sanı 102 meñ 226 buldı.

İranda virustan xäzergä qadär 15 meñ 289 keşeneñ ğomere özelde. İldä awırular sanı 286 meñ 523kä çıqtı. İlbaşı Xӓsӓn Ruxani ildӓ ikençe dulqınnıñ küzӓtelüen açıqladı.

Virus 833 can alğan Nigeriyada awıru oçraqları 604kä artıp, 38 meñ 948gä citte.  

Kön’yaq Afrikada kizüdän 9093 keşeneñ ğomere özelde.

Ülüçelär sanı 16 meñ 756 bulğan Afrika qıytğasında awıru oçrağı 792 meñnӓn artıq.