Päräncäle xatın-qızlar bitlektän azat

Kanadanıñ Kvebek häm Ontario töbäklärendä koronavirus kizüe belän köräş qısalarında bitlek kiyü mäcbüri. Şul uq waqıtta, yözlären yabıp yörüçe yözlärçä möselman xatın-qızğa bu qağıydädän çığarma bar.

Kanada räsmi kanalı CBC meñlägän keşeneñ êlektron poçta aşa cibärgän bitlek kiyü mäcbüriyäte belän bäyle sorawlarına wäqalätlelärneñ cawapların kertep xäbär xäzerläde.

Anda Kvebek sälamätlek häm sośial’ xezmätlär ministrlığı süzçese Mardjori Laroş dini säbäplär belän borının häm awızın tuqımadan tegelgän qaplawıç belän yapqan keşeneñ östämä bitlekkä ixtiyacı bulmawın belderä.  Ul nikab häm päräncäneñ bitlek bularaq qabul itelüen äytä.

Kvebek ştatında 2019nçı yılnıñ iyün’ ayında çıqqan qanun ictimağıy urınnarda nikab häm başqa törle dini simvollarnıñ qullanıluın tıyğan ide.