Kovid-19 çigenmi

Bar dön’yanı teträtkän koronavirus kizüennän 631 meñ 15 keşeneñ ğomere özelde. Awırular sanı 15 million 405 meñnän, sawığuçılar sanı isä 9 million 382 meñnän arttı.

Amerika Quşma Ştatlarında ülüçelär sanı 146 meñ 192gä kütärelde. İldäge aktiv awıru oçrağı 4 million 101 meñnän artıq. Kaliforniya 409 meñnän artıq xasta belän N’yu-Yorknı uzıp, iñ küp awıru sanı kürelgän ştat buldı.

Braziliyada Kovid-19dan barlığı 82 meñ 890 keşe virustan ülde. Viruslılar sanı 2 million 231 meñ 871gä citte.

Meksikada Kovid-19dtan bügengä qadär 41 meñ 190 keşe yaqtı dön’yadan kitte. Viruslılar sanı 362 meñ 274 buldı.

Angliyada virustan xäzergä qadär 45 meñ 501 keşeneñ ğomere özelde. İldä awırular sanı 296 meñ 377gä çıqtı.

Virus 35 meñ 82 can alğan İtaliyada awıru oçraqları 282gä artıp, 12 meñ 322gä citte.  

Franŝiyada kizüdän soñğı täwlektä 7 keşeneñ ğomere özelde, ildä virustan ülüçelär sanı 30 meñ 172gä kütärelde. Sälamätlek saqlaw ministrı Oliver Veran Frans 2 televideniye kanalına yasağan açıqlawında iqtisadi yaqtan awır xäldäge 7 million keşegä 40 million bitlekneñ buşlay taratılaçağın äytte.

Ülüçelär sanı 9808 bulğan Bel’giyada awıru oçrağı 369ğa artıp, 64 meñ 627gä citte. Flaman töbägendäge Anvers şähärendä awıruçılarnıñ artuınnan soñ şähär xaqimiyäte sörän saldı.

Bügen cıyılğan Bel’giya Milli İminlek şurasınıñ 1 avgustta başlatıluı planlanğan 5nçe normal’läşü êtabın kiçekteräçäge uylanıla. Belgeçlär häm virusologlar ildä ikençe koronavirus dulqınınıñ başlanuın farazlıy.